Mark Zuckerberg është bërë baba dhe në një mesazh të publikuar në faqen e tij në Facebook bashkë me një fotografi dhe bashkëshorten e vajzën e sapo lindur, i japin mirëseardhjen të voglës Max. Në letrën e gjatë dedikuar së bijës ku flitet për të ardhmen, barazinë dhe energjinë e pastër, themeluesi i rrjetit social lajmëron se gjatë jetës së tij do të dhurojë 99% të aksioneve që ka, të cilat aktualisht vlejnë plotë 45 miliard dollarë.
“Si të gjithë prindërit, duam që të rritesh në një botë më të mirë se jona. Do të bëjmë pjesën tonë për t’ia arritur qëllimit, jo vetëm sepse të duam, por sepse kemi edhe një përgjegjësi morale përballë gjithë fëmijëve tëbrezave të ardhshëm”,- shkruan Zuckerberg në letrën e tij.
“Një nga mundësitë më të mëdha për brezin tënd është se do të keni të gjithë akses në internet, edhe pse sot ende më shumë se gjysma e popullsisë në botë nuk ka akses në rrjet”,- thotë themeluesi i Facebook.
Mirëpo, Zuckerberg pranon se teknologjia nuk i zgjidh problemet. “Një botë më e mirë ndërtohet duke nisur nga komunitetet dhe përdorimi i energjisë së pastër. Ka ende shumë për të bërë dhe që mund të bëjmë, deri sa brezi jot të jetojë në një botë më të mirë. Me nisjen e brezit të ri të familjes Chan Zuckerberg, do të lançojmë edhe Chan Zuckerberg Initiative, me qëllimin e bashkimit të njerëzve në botë për të promovuar potencialin njerëzor dhe barazinë për të gjithë fëmijët”,- deklaron Zuckerberg.
Ai shton: “Do të dhurojmë 99% të aksioneve tona në Facebook, të cilat për momentin vlejnë 45 miliard dollarë, për të çuar përpara këtë iniciativë. E dimë që bëhet fjalë për një kontribut të vogël krahasuar me shumë të tjerë që po punohen në këtë fushë”, nënvizon kreu i rrjetit social.
Letra mbyllet me firmën e nënës dhe të babait. Me lindjen e Max Zuckerberg, themeluesi i Facebook do të marrë dy muaj pushim, siç kishte lajmëruar edhe më parë./tesheshi.com/
