Egjipti, Japonia, Senegali, Ukraina dhe Uruguaji janë përzgjedhur të enjten për në Këshillin e Sigurimit të OKB-së si anëtare jo të përhershme. Përzgjedhja e tyre u bë gjatë një votimi në Asamblenë e Përgjithshme të OKB-së.
Pesë vendet u sugjeruan nga grupet rajonale, dhe në fund të votimit rezultoi që vendi me më shumë vota të siguruara të ishte Senegali, me 187 të tilla, pasuar nga Uruguaji, që kishte grumbulluar 185 vota.
Anëtarët e zgjedhur rishtas të Këshillit të Sigurimit do ta nisin punën e tyre më 1 janar të vitit që vjen, kur dhe do të zëvendësojnë Çadin, Kilin, Jordaninë, Lituaninë dhe Nigerinë.
Këto vende do t’i bashkohen Angolës, Malajzisë, Zelandës së Re, Spanjës dhe Venezuelës, si pesë anëtarët e tjerë jo të përhershëm të Këshillit të Sigurimit. /tesheshi.com/
