Si çdo cikël zgjedhor në Maqedoni, edhe zgjedhjet e parakohëshme parlamentare të vitit të ardhshëm, sipas kryetarit të KSHZ-së, Nikola Rilkoski do kalojnë me mangësi, meqë sipas tij problemet nuk mund të largohen në tërësi.
‘’Për shkak se me kohë nuk janë parë listat zgjedhore, pastaj ndikimi dhe presioni i partive politike ndaj votuesve dhe anëtarëve të qendrave zgjedhore, presioni që bëhet ndaj votuesve të nacionalitetit rom, janë vetëm disa nga mangësitë që janë vërejtur në proceset zgjedhore deri më tani’’, thekson Rilkovski.
Ai mendon se një pjesë e këtyre mangësive do të largohet por një pjesë e tyre vështirë, e veçanërisht ajo pjesë ku partitë kanë ndikim tek votuesit. Sipas tij, e gjithë kjo është në vullnetin e partive që të çojnë punën ashtu siç duhet në demokratizimin e ligjit. Aty, as KSHZ e asnjë organ tjetër nuk mund të sjellë sukses.
Si ndryshime pozitive në këtë ligj ai thotë se është bërë në zgjedhjen e deputetëve nga diaspora si dhe mënyra e votimit, pra identifikimi i votuesve në ditën e zgjedhjeve përmes dokumenteve me fotografi. Ndryshe Rilkoski sqaron edhe mënyrën e zgjedhjes së anëtarëve të KSHZ-së.
‘’Kryetari dhe nënkryetari do të zgjidhen nga propozimet e tre anëtarëve neutral nga komisioni. Tashmë ka nisur afati prej tetë ditësh i paraqitjes, unë eventualisht do jem mes propozimeve të partive politike, kështu që vendimet për periudhën e ardhshme do të meren në pajtim me partitë politike’’, përfundoi Rilkoski.
/tesheshi.com/
