Prej më shumë se një jave, KMSH ka iniciuar procesin e zgjedhjeve për këshillat e xhamive në të gjithë Shqipërinë. Institucioni më i lartë përfaqsues i myslimanëve kërkon që çdo drejtues, myfti apo imam, të njoftojë besimtarët për këtë proces, duke shpërndarë dhe formularët për t`u plotësuar nga secili prej tyre.
Fushata të tilla janë shoqëruar hera-herës me debate dhe mospajtime në rradhët e bashkësisë së besimtarëve për mënyrën e zgjedhjes së individëve në krye të instancave të ndryshme, por KMSH shprehet se është tërësisht e angazhuar, si në frymë e si në proçedurë, që ky proces të jetë sa më transparent.
Sipas drejtuesve të këtij institucioni, në këto zgjedhje duhet dhënë një shembull i mirë i seriozitetit dhe përkushtimit në zbatimin e çdo parimi fetar për zgjedhje sa më transparente. Dhe formulari që duhet të plotësojë çdo besimtar, është kusht prej kushteve të transparencës dhe rregullsisë së këtij procesi. /tesheshi.com/
