Vendet arkeologjike në Lindjen e Mesme janë të njohura për misteret e tyre të fshehta të sekreteve antike që po zbulohen edhe sot e kësaj dite.
I tillë është vendi që ndodhet në Galilenë e Epërme, një rajon që është një nga vendet e përmendura në Bibël. Një gur i zbuluar në rajonin që është rreth 1700 vjet i vjetër ofron shumë informacione që mund të ndihmojnë për të kuptuar më mirë administrimin dhe qeverisjen në Perandorinë Romake si dhe kufijtë në kohët e lashta.
Mbishkrimet në gur janë në greqishten e lashtë dhe përmendin vendbanimet e pazbuluara më parë të Tirathasës dhe Golgotës, të cilat ishin pjesë e Perandorisë Romake në atë kohë.
Guri daton që nga mbretërimi i mbretit Marcus Aurelius Alexander, dhe është një kod ligjor që përcakton kufijtë e tokës dhe detyrimet tatimore në Perandorinë Romake.
Profesor Uzi Leibner i Departamentit të Arkeologjisë të Universitetit Hebraik shpjegoi rëndësinë e zbulimit: “Zbulimi i një guri të tillë kufiri jo vetëm që hedh dritë mbi sistemet e pronës dhe taksave në botën e lashtë, por gjithashtu siguron një lidhje të prekshme me njerëzit të cilët duhej të menaxhonin këto sisteme komplekse pothuajse dy mijë më parë”, thotë Leibner.
Mbishkrimet prej guri përmendin katër guvernatorët romakë që qeverisnin territoret e largëta të perandorisë. Studiuesit e kanë lidhur Golgotën me malin Golgota, që supozohet se është kodra mbi Jerusalemin ku aludohet se u kryqëzua Jezusi, por ata ende nuk mund të konfirmojnë se ka një lidhje. /tesheshi.com/
