Arkeologët në Egjipt kanë zbuluar një strukturë të pazakontë, të fshehur nën rërë, pranë Piramidës së Madhe të Gizës.
Ky zbulim u përshkrua në detaje në një raport të botuar më 5 maj nga studiues nga Instituti Kombëtar i Kërkimeve për Astronomi dhe Gjeofizikë të Egjiptit, si dhe Universiteti Ndërkombëtar Higashi Nippon i Japonisë dhe Universiteti Tohoku.
E vendosur mes nën sipërfaqen e Varrezave Perëndimore, pranë Piramidës së Madhe të Khufu – e njohur gjithashtu si Piramida e Madhe e Gizës – struktura është një formë e pazakontë “L” dhe ka përmasa afërsisht 10 x 14 metra.
Kjo strukturë, sipas tyre, ishte e mbushur plotësisht me rërë, duke i bërë studiuesit të besojnë se mund të jetë mbushur menjëherë pasi u ndërtua. Misteret nuk ndalen me kaq, sepse poshtë strukturës, në një thellësi prej 5 deri në 10 metra, qëndron ajo që ekipi e përshkroi si “anomali të rezistencës së lartë elektrike”. Sipas studiuesve, “materiali rezistent elektrik në dunën e rërës mund të jetë një përzierje e rërës dhe zhavorrit, duke përfshirë boshllëqet ose zbrazëtitë e ajrit brenda tyre”.
“Më parë nuk u kryen kërkime nëntokësore,” kujtuan studiuesit. Arkeologët gjithashtu besojnë se mund të ketë një varr atje – megjithëse ata theksuan se “do të nevojiteshin kërkime më të detajuara për të konfirmuar këtë mundësi”. Hulumtimi filloi në vitin 2021 dhe u botua në revistën Archaeological Prospection.
“Ne besojmë se vazhdimësia e strukturës së cekët dhe strukturës së thellë të madhe është e rëndësishme,” shkruan ata, por kuptimi i vërtetë, megjithatë, nuk do të zbulohet derisa të kryhen kërkime të mëtejshme. /tesheshi.com/
