Vijojnë debatet mbi tubimin e bujshëm të Ramës në Athinë, me shqiptarë në Greqi, ku kritikët nuk gjejnë arsye se pse duhej ai takim, ato mesazhe.
Por Damian Gjiknuri, një prej krerëve socialistë, për momentin pa asnjë post të rëndësishëm dhe gati i lënë në hije, jep një shpjegim:
“Brezi i dytë dhe i tretë në Greqi ka rrezik të asimilohet. Asimilimi është të humbësh origjinën, të zhduket identiteti kombëtar.
Edhe lëvizja e Ramës duhet parë edhe në këtë pikëpamje edhe integrimi me interesat e Shqipërisë, edhe integrimi me interesat e kësaj pjese të Shqipërisë ndikon dhe ky takim e ka çimentuar këtë edhe më shumë”, tha Gjiknuri.
Është kjo hera e parë që ngrihet si çështje një mundësi që shqiptarët në fqinjin tonë jugor të asmiliohen një ditë. Pavarësisht se ngrihet nga një aktor politik, është ndër ato çështja që ia vlen të debatohet si “rrezik kombëtar”. /tesheshi.com/
