Presidenti serb, Aleksandër Vuçiç ka zbardhur bisedën e gjatë me zv/Presidentin e SHBA-së, Mike Pence, ku është folur për “vijat e kuqe” që duhet të zbatojë Serbia në Ballan në kuadër të Rusisë, si dhe ofertat që i ka bërë Uashingtoni-Beogradit.
Siç bën të ditur Sputnik-u rus, numri dy i Shtëpisë së Bardhë i ka premtuar Vuçiç një vizitë të Presidentit Trump në Serbi, në momentin kur kjo e fundit do të ketë marrë vendimin përfundimtar për Kosovën.
Oferta e dytë e SHBA për Beogradin është një lumë investimesh amerikane në Serbi, për të kompensuar ato ruse që natyrisht kanë shqetësuar Uashingtonin.
Siç bën të ditur Sputnik, Vuçiç ka premtuar që do të zgjidhë sa më shpejt çështjen e qendrës së Nishit, duke e ç’instaluar atë, si dhe duke anuluar një pjesë të paktit për të blerë armatime në Moskë.
Në një intervistë për televizionin serb Pink, Vuçiç deklaroi se ka biseduar me zv/Presidentin Pence “pa doreza dhe gjuhë burokratike”, që nënkupton se Presidenti serb ka zgjedhur aleancën me Perëndimin përpara Rusisë.
Nesër, nga reagimi i qarqeve ruse do të varet se sa e fortë ka qenë kthesa e Vuçiçit në Uashington. /tesheshi.com/
