Lideri i opozitës maqedonase Zoran Zaev, ka paralajmëruar protesta masive të cilat do të mbahen në muajin maj. Sipas tij, ato protesta nuk do jenë sa për të dalë në to dhe kaq. Lufta për liri dhe demokraci, siç tha Zaev, nuk është e monopolizuar por është e drejtë e gjithë qytetarëve:
“Në maj do të ketë protestë të madhe dhe të gjithë e dijnë këtë sepse mllefi po rritet. Në rrugët e kryeqytetit do të derdhet populli dhe kjo do të jetë ndryshe nga protestat tjera”, deklaroi Zaev.
Ai tha se para protestave do të publikohen materiale shumë të ndjeshme: “Ndjeshmëria shkaktohet ngase tema të cilën e paralajmërojnë është e tillë, e pritshme nga qytetarët. Këtu është rasti me Liqenin e Smillkovës, këtu është Nikolla Mlladenov, Martin Neshkovski, çfarë ka ndodhur më atë datë 6 qershor 2011-të, mëngjesin herët pas fitores së VMRO-së, këtu është edhe emri”, tha Zaev.
Para kësaj deklarate, Zaev publikoi materiale tjera nga afera e përgjimeve, respektivisht se kush dhe si ka përgjuar, për çka prezentoi një bisedë telefonike për të cilën tha se është e Ministres së Brendshme Jankullovska, si ajo pranon që me pajisjet e mara nga Izraeli, mund të ndiqet çdo numër telefonik.
Zaev tha ata që kanë përgjuar kanë përdoruar tabela të ndryshme për politikanë dhe personalitete të jetës publike, ndaras për shqiptarët dhe maqedonasit. /tesheshi.com/
