Wayne Rooney ka barazuar legjendën e futbollit anglez Sir Bobby Charlton sa i përket golave të realizuar në fanelën e “albionëve”. Me golin kontravers të realizuar nga penaltia në ndeshjen me San Marinon, sulmuesi i Manchester United arrinë në shifrën e 49 golave, aq sa ka realizuar edhe Bobby Charlton dhe aq sa janë realizuar nga kundërshtarët si autogola në histori të Anglisë.
Wayne Rooney ka shfrytëzuar në maksimum një “dhuratë” që gjyqtari i ndeshjes i bëri Anglisë në duel me San Marinon, duke akorduar penalti për “luanët”. Rooney ka shndërruar në gol penaltinë e fituar nga mbrojtësi i Evertonit, John Stones për të barazuar rekordin e golave të shënuar nga legjenda e futbollit anglez Sir Bobby Robson.
Menjëherë më pas një autogol i Cristian Brollit futbollistit të San Marinos ka hyrë në histori. Ai ishte autogoli i 49 që kundërshtarët realizojnë ndaj Anglisë, për të hyrë kështu në mesin e tre golashënuesve më të mirë. Tashmë nga 49 gola kanë Wayne Rooney, Sir Bobby Charlton dhe autogolat e kundërshtarëve. /tesheshi.com/
