Presidenti serb Aleksandar Vuçiç tha të enjten, duke komentuar rrëzimin e një droni pranë një kazerme afër Kosovës një ditë më parë, se Serbia nuk është në konflikt me askënd, por se nuk mund të lejojë askënd të spiunojë forcat e saj të armatosura.
Vuçiç, duke marrë pjesë në një stërvitje ushtarake, tha se incidenti i djeshëm nuk ishte i izoluar dhe se avionë të tillë janë vërejtur disa herë mbi kazermën e Ushtrisë Serbe, gjë që është përcjellë me paralajmërim.
“Kjo lloj zbulimi dhe puna e paligjshme e inteligjencës përfaqëson një lloj agresioni kundër një vendi sovran,” u tha Vuçiç gazetarëve në terrenin e stërvitjes ushtarake.
“Ne nuk jemi në konflikt me askënd dhe a doni që dikush të spiunojë ushtrinë tonë, të hyjë në çdo hangar në territorin e Serbisë dhe të numërojë sa plumba dhe granata kemi”, ka tha Vuçiç, duke pohuar se “po punojmë në atë” për të përcaktuar se kush e dërgoi dronin.
Të mërkurën pasdite, njësitet e ushtrisë serbe zbuluan dhe neutralizuan një dron komercial që po lëvizte nga drejtimi i Kopaonikut drejt Rashkës në jug të Serbisë, njoftoi të martën Ministria e Mbrojtjes.
Droni është rrëzuar duke përdorur masa të bllokimit elektronik në afërsi të objekteve ushtarake në garnizonin e Rashkës, tha Ministria.
Që nga e marta, ushtria serbe është “në gjendje gatishmërie” dhe “niveli i gatishmërisë luftarake është ngritur për shkak të situatës në Kosovë”, tha më herët ministri serb i Mbrojtjes Millosh Vuçeviç, duke deklaruar se ky ishte urdhër i presidentit Aleksandër Vuçiç.
Tensionet e reja mes Serbisë dhe Kosovës dolën sërish në plan të parë pas skadimit të afatit të caktuar nga qeveria e Kosovës për zbatimin e vendimit për zëvendësimin e targave të lëshuara në Serbi, të cilat përdoren nga serbët në Kosovë. /tesheshi.com/
