Astronauti Scott Kelly ka vendosur një rekord për qëndrimin më të gjatë në hapësirë, ndaj sot ka probleme shëndetësore.
Libri i tij quhet “Endurance”, dhe në të ai përshkroi të gjitha simptomat që i ndodhën pas kthimit në tokë.
Duke marrë parasysh sasinë e tyre, libri nuk është aspak i hollë.
Rreziku i kancerit
“Ndërsa isha në hapësirë, mora një dozë ditore rrezatimi të barabartë me 10 rreze X të gjoksit. Kjo rriti rrezikun e zhvillimit të kancerit për pjesën tjetër të jetës sime”, thuhet në libër.
Nyjet e fryra sikur do të shpërthenin
“Unë mund të ndjej nënkëmbët e mia duke ënjtur. Shkoj në tualet, duke vërejtur ënjtjen në këmbët e mia që dhembin. Djathtas. Majtas. Djathtas. Majtas. Shkoj në banjë, ndez dritën dhe shikoj poshtë këmbët e mia. I thërras gruas, bërtas nga banja ‘Zemër, shiko’.
Ajo përkulet dhe më fërkon kyçet e këmbëve me duar. Duket sikur po luan me një tullumbace uji”.
Skuqje djegëse
“Më dhemb e gjithë lëkura gjithashtu. Gruaja shqyrton me dëshpërim trupin tim. Rezulton se kam një skuqje të çuditshme në shpinë dhe qafë. Duket si një alergji, sikur të më kanë pickuar një tufë bletësh”, shkruan Scott në librin e tij.
Ethe e vazhdueshme
“Më në fund arrita të them diçka – Amika, më vjen keq, po ngrij. Zëri im e shqetësoi atë. Dora e saj e ftohtë më kalon mbi supe, pastaj mbi ballë. Ajo nuk është e ftohtë, ndërsa unë po digjem”.
Valët e të përzierave shumë më të mëdha se në misionet e mëparshme
“Fjeta për disa orë, por isha në delir. Kam bërë shumë përpjekje për të ardhur në vete. T’i tregoj gruas sime sa keq ndihem. Kam marramendje të rëndë. Ethe. Dhimbje në të gjithë trupin. Nuk jam ndjerë kurrë kështu, as në hapësirë pas një udhëtimi të gjatë”.
Muskujt dhe kyçet e plakur para kohe
“Mars 2016 u ktheva në Tokë pas një viti në hapësirë. U ktheva pikërisht për 48 orë. E shtyj veten nga tavolina dhe luftoj të ngrihem.
Si një plak që ngrihet nga kolltuku i tij i preferuar”.
Ndjenjë e pabesueshme e gravitetit
“Gjithçka më lëndon. Të gjitha nyjet dhe muskujt po reagojnë sikur në fushën gravitacionale të tokës. Ndihem i trullosu. Zhvishem dhe ngjitem në shtrat. Më pëlqen ndjesia e çarçafëve, ndjesia e batanijes që më mbulon”.
Kelly thotë se ishte i vetëdijshëm për rreziqet që po merrte që nga fillimi i misionit. Tani duhet ta paguajë shtrenjtë largimin nga Toka. /tesheshi.com/
