“Zyrtari i lartë ushtarak i Hezbollahut, Mustafa Badreddine është vrarë gjatë një sulmi izraelit në Siri në fillim të kësaj jave’’, ka njoftuar grupi i armatosur libanez.
“Badreddine ka marrë pjesë në shumicën e operacioneve të rezistencës islamike që nga viti 1982”, ka njoftuar Hezbollah në deklaratën në të cilën konfirmohet vrasja e tij.
Liderin e tyre Badreddine, Hezbollah e kanë përshkruar si lider i madh i xhihadit.
Badreddine, 55-vjeçar, besohet të ketë qenë njëri prej top-zyrtarëve në hierarkinë ushtarake të Hezbollahut.
Qeveria amerikane e ka konsideruar përgjegjës për operacionet ushtarake të Hezbollahut në Siri, ku ka luftuar përkrah presidentit sirian, Bashar al-Assad.
‘’Është vrarë të marten në mbrëmje’’, thuhet në njoftim,‘’ ku shënjestër e sulmeve ka qenë njëra prej bazave në afërsi të aeroportit të Damaskut’’.
Ali Rizk, analist politik dhe ekspert për Hezbollahun, ka thënë se shënjestër e sulmeve ka qenë qendra operative e Hezbollahut në Damask’’. Edhe pse nuk është vërtetuar me saktësi, Rizk fajëson Izraelin për sulm.
“Mustafa Badreddine kishte zavendësuar Imad Moghniyeh, i cili ishte vrarë në vitin 2008 në një sulm izraelit. Kjo nuk do të ndryshojë fare rolin e Hezbollahut në Siri. Përkundrazi kjo do ta bëjë Hezbollahun më të vendosur të mbetet i përfshirë në aksionet në Siri deri në fund”, ka thënë Rizk.
Badreddine është një prej themeluesve të Hezbollahut.
Në Kuvajt ai është dënuar me vdekje për shkak të pjesëmarrjes në sulmin me bombë në vitin1983, por pas invazionit të Saddam Huseinit në kishte ikur nga burgu për në Irak. Ka qenë në listen e të kërkuarve të. /tesheshi.com/
