Zehran Allushi, drejtuesi i Xhejshul Islam-it, grupit më të organizuar rebel në zonën e Damaskut, raportohet të jetë vrarë nga sulmet ajrore.
Ai bashkë me pesë komandantë të tjerë u vranë të premten nga sulmet ajrore që kishin si objektiv të tyre Gutën Lindore.
Qeveria siriane pretendon t’i ketë kryer ajo sulmet që sollën vrasjen e komandantit Zehran Allushi, por ka edhe burime që informojnë se ishin avionët rusë ato që goditën.
Një raportues i Al Jazeera-s nga Gaziantepi i Turqisë, e përshkroi vrasjen e Allushit si një goditje të rëndë për opozitën siriane, duke patur parasysh se ai komandonte një force rebele prej 20.000 luftëtarësh.
“Ai qe parë gjithmonë si një kërcënim i atypëratyshëm për presidentin Beshar Esad,” tha raportuesi Hashem Ahelbara.
Xhejshul Islam-i, grupi rebel sirian, qe këtë muaj mes pjesëmarrësve në konferencën e Riadit. /tesheshi.com/
