Kryebashkiakja e Shkodrës Voltana Ademi ka reaguar lidhur me vrasjen e dyfishtë të ndodhur së fundi në qytetin e saj, ku u vranë në një atentat vëllezërit Astrit dhe Brahim Bilali.
Ajo ka kërkuar që shteti të marrë në dorë situatën, duke gjykuar se Shkodra është lënë në mëshirën e bandave e krimit.
“Sot është e shtunë dhe jemi zgjuar me një ngjarje shumë të rëndë. Kjo është shqetësuese. Mendoj se kjo duhet të tmerrojë së pari kryeministrin dhe pastaj zv.kryeministrin dhe gjithë qeverinë.
Por mesa duket ka tmerruar vetëm qytetarët e Shkodrës.
Qytetarët e Shkodrës kërkojnë nga shteti që ta marrë situatën në dorë dhe ta çojë deri në fund. Shkodra është lënë në mëshirën e larjes së hesapeve dhe të krimit”, deklaroi Voltana Ademi. /tesheshi.com/
