Presidentja Osmani u mëshoi fort masakrave serbe në Kosovë, në një fjalim të saj në Këshillin e Sigurimit, pas pas Vuçiçit, duke e vënë në siklet këtë të fundit.
“Kujtimet e luftës janë në mendje dhe shpirtrat tona, për t’i shpjeguar të vërtetën e botës. Edhe pse ka përfunduar, vragat kanë mbetur përjetë. Jam me katër heroinat të cilat janë simbol i forcës, mbijetesës dhe sukseseve të Republikës sonë. Do ta përfaqësojmë Kosovën tonë, qytetarët tanë në mbledhjen e Këshillit të Sigurimit.
Para pesë ditësh kemi shënuar 25-vjetorin e masakrës, njëra prej tyre ishte vetëm 14 vjeç kur u sulmua nga serbët. Asnjëherë nuk mund të harroj që fëmijët që kanë qenë të gjallë kur janë djegur, policia u ka vënë zjarrin. Shumë herë fëmijë të vegjël të moshës gjashtë mujore janë djegur për t’i zhdukur nga faqja e tokës vetëm se ishin shqiptarë.
Ata që kanë mbijetuar kanë mbetur me pak nga të dashurit e tyre, 53 viktimat i vendosën në një varr të vetëm, asnjë politikan s’është përkulur në varrin e tyre. Këto kanë ndodhur në çdo vend të vendit tonë, janë vrarë fëmijë, gra shtatzëna. Millosheviçi me propagandë ka kërkuar t’i zhdukë nga faqja e dheut. Asnjë masë nuk është marrë ndaj Serbisë”, tha ndër të tjera Osmani, duke zgjedhur kështu tjetër narrativë përballë një Serbie pa pendim e për më tepër kërcënuese në çdo aspekt e rrethanë ndaj Kosovës. /tesheshi.com/
