Në Vlorë u regjistrua ekzekutimi i radhës, ku Delon Troqe, 38 vjeç, i sapokthyer nga Spanja, mbeti i pajetë nga një breshëri plumbash në një atentat tipik mafioz. Ngjarja ndodhi në afërsi të stadiumit, përballë një servisi në pronën të tij.
Viktima ishte me precedentë penale, pasi vite më parë, në adoleshencë, kishte bërë bërë burg.
Dyshohet se vrasja ka ardhur për shkak të prishjes së pazareve të drogës.
Njoftimi policor thotë:
Rreth orës 21:50, në lagjen “Pavarsia”, Vlorë, në rrethana ende të pa qarta është qëlluar me armë zjarri shtetasi D. T., 38 vjeç, banues në Vlorë, i cili si pasojë e plagëve të marra ka ndërruar jetë në spitalin e Vlorës.
Shërbimet e Policisë kanë mbërritur menjëherë në vendgjarje ku është rrethuar zona dhe janë ngritur pika kontrolli në hyrje dhe në dalje të qytetit dhe përgjatë rrugëve që lidhin njësitë administrative me qëllim kapjen e autorit/ve.
Gjatë krehjes së zonës, në fshatin “Sherishtë”, nga shërbimet e Policisë është konstatuar duke u djegur një automjet i braktisur, i cili paraprakisht dyshohet se mund të jetë i autorit/ve të ngjarjes.
Gjithashtu janë shoqëruar në Komisariat disa shtetas të cilët dyshohen se kanë dijeni për ngjarjen.
Grupi hetimor po vijon punën për sekuestrimin e çdo prove materiale që do ti shërbej zbardhjes së ngjarjes dhe identifikimit të autorit. /tesheshi.com/
