Një person, që më pas u mësua se ka një status jo të vogël publik në qytetin e tij, konsumoi fotoksinë para godinës së SPAK-ut, duke u dërguar me urgjencë në spital.
Fjala është për 63-vjeçarin Pal Trashaj, nga Lezha, një emër që aty njihet si historian, me angazhim në shumë aktivitete kulturore të qytetit, duke qenë dhe kryetar i Forumit për Mbrojtjen e Trashëgimisë Kulturore.
Por prej vitesh ai vuante nga një hall tipik shqiptar, nga ato me mashtrim brenda, sicc ai ka pretentuar. Sipas tij, ai ka rënë viktimë e institucionit financiar NOA, prej të cilit ka marrë një kredi.
Trashaj thotë se kredinë e kishte shlyer të gjithën, por NOA i kërkonte para të tjera. Dhe, në pamundësi për të paguar më tepër nga çfarë i takonte, përmbaruesi i sekuestroi atij pronën. Ndaj është drejtuar te SPAK-u, duke pritur që një prokuror aty ta merrte në dorë ccështjen. Dhe pikërisht aty ka tentuar t’i japë fund jetës, përkundër statusit intelektual që gëzonte.
Ai u dërgua me urgjencë në spital, ndërsa gjendja shëndetësore e tij nuk dihet ende.
“Më datë 02.07.2024, në rrugën “Panorama”, përballë godinës së Strukturës së Posaçme kundër Korrupsionit dhe Krimit të Organizuar, shtetasi P. T., 63 vjeç, dyshohet se ka konsumuar fostoksinë dhe aktualisht ndodhet në spital nën kujdesin e mjekëve”, njoftoi policia. /tesheshi.com/
