Veliaj në SPAK për më të rëndin akt

Jo opozita politike, por katër shoqata kanë bërë një kallëzim penal në SPAK ndaj kryebashkiakut Veliaj, me akuzën e shkeljes së rëndë të ligjit duke lejuar një martese gay në tarracën e Bashkisë së Tiranës.

Kallëzimi është bërë nga “Mexhelis”, “Thirrja në Mirësi”,  “Ensar” dhe “Qendra për Kulturën Islame Evropiane”.

Objekti i kallëzimit është: “Shpërdorimi i detyrës dhe shkaktimi i dëmit shtetit dhe shtetasve, duke cenuar mbrojtjen e veçantë që i garanton Kushtetuta të miturve dhe familjes”.

Aktivisti Floriar Arapi, personi që çoi kallëzimin si drejtues i shoqatës “Mexhlis”, e konsideroi veprimin e Veliajt skandaloz dhe të rëndë.

“Ne kemi të tërë argumentimin ligjor në dosje dhe do t’ia paraqesim SPAK-ut. Jemi shumë të indinjuar sepse shumica e forcave politike në vend nuk kanë reaguar ndaj këtij veprimi të kundërligjshëm të Erion Veliajt.

Është një veprim tejet skandaloz, që është shumë i rëndë, shkatërrimi i familjes dhe imponimi i homoseksualizmit janë shumë më të rënda se vjedhjet e përditshme që janë të pafundme. Kemi hyrë në një diktaturë të homoseksualëve që po na imponohen nga organizmat ndërkombëtarë.

Vepra penale e Veliajt është sepse ai ka lejuar në tarracën e Bashkisë së Tiranës që të kryhet një martesë homoseksuale dhe nuk ka ndërhyrë për ta lejuar këtë martesë. Kjo martesë është e paligjshme, është në kundërshtim me Kodin e Familjes. Është një axhendë që Veliaj dhe sekti i tij po i imponon popullit shqiptar në mënyrë të vazhdueshme”, arsyetoi Arapi.

Siç e thekson dhe ai, paradoksale është fakti që ndërsa pjesa më e egër e opozitës, ajo Berisha-Meta e kanë shënjestuar Veliajn edhe më shumë se Ramën këto kohë, edhe me protesta të dhunshme te Bashkia, me pretendimin e korrupsionit të tij e për këtë arsye duke kërkuar dorëheqjen, në rastin e martesës së ndyrë te tarraca e Bashkisë pothuajse kanë heshtur. /tesheshi.com/