Nëse deri dje servirej fakti se dhe një kardinal i Papatit në Vatikan ka qenë shqiptar, Dom Mikel Koliqi, prej kësaj të diele shtohet edhe një: Dom Ernest Troshani.
Në lutjen e sotme në sheshin papal të Romës, Papa Françesku shpalli kardinalët e rinj, mes të cilëve figuron edhe shqiptari Dom Ernest Troshani.
Ky i fundit ishte pikërisht ai klerik që dëshmoi kalvarin e jetës së tij para kreut të botës katolike, gjatë vizitës së tij në Tiranë, shtatorin e dy viteve më parë.
Ernest Troshani bëhet kështu kardinali i dytë shqiptar në historinë e Vatikanit. /tesheshi.com/
