Vala e të nxehtit afrikan do të vijojë edhe në ditët e ardhshme për shkak se anticikloni afrikanoverior do të përfshijë edhe rryma sahariane duke bërë që zona e Mesdheut të ketë temperatura deri në 40 gradë celsisus. Tendenca e të nxehtit sheh një variacion në datat 25 e 26 korrik ku do të nisë një ulje e lehtë nga veriu e që do të shtrihet më pas edhe në jug.
Por, deri atëherë temperaturat do të njohin rritje gjatë javës së ardhshme. Ndërsa në fund të një jave më pas mund të priten edhe stuhi të forta por të shkurtra, për shkak të kontrasteve të fuqishme termike. /tesheshi/
