USB-killer është një usb që ka dalë treg, e cila mund të shkatërrojë kompjuterin tuaj apo çfarëdo pajisje tjetër në pak sekonda.
USB-ja përdor energjinë që merr nga porta usb për të shkarkuar një bateri, e më pas (gati një sekondë më pas) e shkarkon këtë energji prej 240 volt në pc-në tuaj. Siç mund ta imagjinoni vetë ky lloj trajtimi është fatal në pak sekonda për pjesën më të madhe të pajisjeve..
Pyetja që lind natyrshëm është pse është prodhuar dhe hedhur në treg një usb e tillë? Prodhuesit e pranojnë se produkti i tyre mund të përdoret për të shkatërruar e dëmtuar pajisjet elektronike, por theksojnë se edhe një çekiç mund të përdoret për të njëjtin qellim. Ata pohojnë se produkti i tyre është bërë për të ndërgjegjësuar përdoruesit se nuk duhet të fusin në kompjuterin e tyre pajisje të panjohura.
Gjëja më e habitshme është fakti se furnizimi në treg me USB-killer ka mbaruar. Ky tregon një interesim të madh për këtë pajisje, por le të shpresojmë se është thjeshtë për kureshtje elektronike. /tesheshi.com/
