Një grup luftëtarësh sirianë që u trajnuan nga amerikanët I kanë dorëzuar armatimin dhe mjetet e tyre tek fronti Al Nusra, grupim i lidhur me Al Kaedën si garanci për rikthimin e tyre në Siri. Lajmin e bënë të ditur burime ushtarake amerikane, të cilat saktësuan se njësia e frontit të ri Sirian kishte njoftuar më 21 e 22 Shtator dezertimin e luftërarëve të trajnuar, që kishin dorëzuar edhe gjashtë kamionë e municione tek ndërmjetësit e fronit al Nusra.
Ky pohim vjen në kundërshtim të plotë me mohimin që iu bë në fillim të javës nga ushtria amerikane, raportimeve se njësitë e reja të trajnuara prej saj kishin dorëzuar armatimet.
Së fundmi, koalicioni që drejtohet nga amerikanët në Siri ka dërguar në këtë vend 70 luftëtarë të moderuar sirianë që janë trajnuar në programe të shpejta për të luftuar kundër Shtetit Islamik.
Koalicioni ka trajnuar rreth 120 lufëtarë por grupi i parë prej 54 personash duket se ka dezertuar nga Fronti i Ri për Sirinë, ose janë bashkuar me grupet ku kanë luftuar më parë. /tesheshi.com/
