Burri që mbante në krahë fëmijën e tij ndërsa largohej me vrap nga policia hungareze, u pengua në rrugëtimin e tij nga një kameramane që i qëlloi me shkelm. Por, historia, për fat të mirë nuk mbaron këtu, pasi ndërsa videoja bëri xhiron e botës, refugjatët sirianë patën një fat të mbarë.
Refugjati sirian Osama Abdul Mohsen qëlloi të ishte një trajner futbolli në vendin e tij. Ai menaxhonte skuadrën Al-Fotuwa SC, një skuadër e kategorisë superiore. Rrugëtimi i tyre nga vendi i “tmerrit”, Hungaria vijoi në Spanjë, ku morën ftesë për t’u bashkuar me klubin spanjoll Getafe.
Me këtë rast ata ishin të ftuar nderi nga klubi madrilien Real Madrid. Ishte vetë Florentino Perez, që bëri cicëronin për disa orë në stadiumin Santiago Bernabeu, duke i njohur ata me sukseset e klubit që ai drejton. Osama që ka marrë një ofertë nga klubi i Getafes, së bashku me fëmijët e tij do të ndjekë sfidën e së shtunës të cilën Real Madrid e zhvillon në shtëpi ndaj Granadës.
“Ne jemi duke përjetuar një ëndërr. Faleminderit Madridit, faleminderit Spanjës. Ne jemi duke filluar një jetë të re këtu, shpresoj që shumë shpejt do na bashkohet e gjithë familja nga Turqia, pasi unë kam fituar një punë këtu”, u shpreh i lumtur Osama. /tesheshi.com/
