Një përfaqësi e biznesit saudit ka mbërritur në Shqipëri në një përpjekje për partneritet tregjesh.
Interes i madh është shfaqur te sektori bujqësor, aty ku produktet shqiptare janë të etura për tregje të huaja.
Një takim me ta ka zhvilluar minstrja e linjës Anila Denaj, duke shkruar më pas: 
“Zgjerojmë partneritetin në fushën e bujqësisë mes Shqipërisë dhe Arabisë Saudite. Në takimin me përfaqësuesit e biznesit nga Arabia Saudite, u fokusuam veçanërisht në sektorin e bujqësisë, ku diskutuam mënyrat për të forcuar partneritetin dhe për të zgjeruar tregtinë e produktit tonë bujqësor në tregun saudit.
Po punojmë në ndërtimin e infrastrukturës për të mundësuar eksportin e produkteve tona në Arabi, duke përfshirë ujin e pijshëm, bimët aromatike dhe medicinale, si dhe vajin e ullirit”. /tesheshi.com/
