Një tren vrau pesë dhe plagosi dy punëtorë të tjerë hekurudhor në zonën e Torinos në veri të Italisë, njoftuan mediat lokale.
Aksidenti ka ndodhur rreth mesnatës së së mërkurës në komunën Brandizzo, pjesë e zonës metropolitane të Torinos, raporton agjencia italiane e lajmeve ANSA.
Sipas raportimeve, viktimat ishin të punësuar nga një kompani që po punonte për zëvendësimin e pjesëve të linjës hekurudhore, e cila lidh qytetet kryesore veriore të Torinos dhe Milanos, kur ata u përplasën nga një lokomotivë që transportonte vagona bosh nga Alessandria në Torino.
Mediat italiane, përfshirë ANSA dhe gazetën italiane Corriere della Sera, raportuan se treni po udhëtonte me një shpejtësi prej rreth 160 kilometra në orë kur ndodhi incidenti.
Paolo Bodoni, kryebashkiaku i Brandizzo, tha se një punonjës i urgjencës i përshkroi atij “një skenë të tmerrshme, me mbetje njerëzore të shpërndara”.
“Kjo është një tragjedi e madhe,” tha ai.
“Nuk përjashtohet mundësia që të ketë pasur një gabim komunikimi”, tha ai, duke shtuar se hetimet janë në vazhdim. /tesheshi.com/
