Këshilltari për sigurinë kombëtare i Shtëpisë së Bardhë, Herbert Raymond McMaster, deklaroi se SHBA është “në një garë” për t’iu përgjigjur kërcënimit të ardhur nga Koreja e Veriut.
“Potenciali për luftë po rritet çdo ditë, por konflikti i armatosur nuk është zgjidhja e vetme”, tha ai në një forum kushtuar strategjisë së mbrojtjes, siç raporton BBC.
Komentet e tij vijnë pak ditë pasi regjimi i Phenanit testoi me sukses një raketë balistike, duke e konsideruar këtë si aktin final të hyrjes tek fuqitë bërthamore me potencional kërcënues.
Dy ditë më parë, ishte ambasadorja amerikane në OKB, Nikki Haley, ajo e cila reagoi ashpër duke thënë se SHBA nuk e duan luftës, por që nëse ajo ndodh, regjimi komunist koreanoverior do të shkatërrohet. Paralel me të, Trump e quajti Kim Jong-un një qen. /tesheshi.com/
