Vishuni me disa shtresa, mos pini dhe merrni doreza të ngrohta. Këto janë disa nga këshillat që ofrohen për turmën gjigande të festuesve që pritet të mblidhet në Times Square në mbrëmjen e ndërrimit të viteve, që parashikohet të jetë ndër më të ftohtat e regjistruara ndonjëherë.
Moti i akullt ka anuluar planet për shumë aktivitete në veri-lindje, por jo në qytetin e Nju Jorkut, ku njerëzit do të nisin të mblidhen në Times Square deri në nëntë orë përpara eventit të famshëm të rrëzimit të globit.
Vigjilja më e ftohtë e Vitit të Ri në sheshinTimes të Nju Jorkut është regjistruar në vitin1917, me 17 gradë celsisus në mesnatë. Këtë vit, parashikimet janë për minus 11 gradë por edhe me një erë të akullt që do të ngrijë gjithçka, shifra që i përafrohen vitit 1962.
Bashkia dhe zyrtarët e kujdesit shëndetësor po këshillojnë njerëzit të mbulojnë gjithë pjesët e ekspozuara të lëkurës, të veshin kapele, shaje dhe doreza. Konsumimi i alkoolit është jo i mirë, pasi bën që trupi të humbasë më lehtë nxehtësinë. /tesheshi.com/
