Gjykata e Prishtinës ka lënë në burg Naim Murselin dhe dy të tjerët që akuzohen për vrasjen e 30-vjeçares Liridona Ademj (pa mbiemrin Murseli), bashkëshorte e Naimit dhe nënë e dy fëmijëve. Ata do të qëndrojnë në paraburgim teksa hetimet për ngjarjen e rëndë po vijojnë.
Bashkëshorti i të ndjerës pranoi se ka paguar për kryerjen e krimit mbrëmjen e 29 nëntorit në Prishtinë, por nuk ka treguar arsyen që e bëri të ndërmerrte një akt të tillë.
Aludohet se ai synonte të përvetësonte 20 milion euro nga sigurimi i jetës në Suedi nga e ndjera.
Dy ekzekutorët janë Granit Plava, i cili dëshmoi më herët për policinë se mori 15 mijë euro nga Naimi për t’i vrarë bashkëshorten, ndërsa pjesën tjetër do e merrte pas krimit. Personi tjetër është Kushtrim Kokalla, nipi i Naim Murselit, pjesëtar i Forcës së Sigurisë së Kosovës. Për këtë ende nuk ka detaje lidhur me përfitimin financiar nga vrasja.
Nga ana tjetër, Prokuroria vendosi për zhvarrimin dhe rivarrimin e të ndjerës, trupi i së cilës nga Gjakova do zhvendoset në Prishtinë.
Kjo ngjarje, gati e pabesueshme, ka tronditur rëndë të gjithë shoqërinë kosovare. Bëhet fjalë për një krim të pazakontë, të paimagjinueshëm, i cili tregon se deri ku mund të shkojë marrëzia njerëzore.
Kjo lloj vrasjeje, ku burri i merr jetën gjakftohtësisht nënës së fëmijëve pos bashkëshortes, me anë të një inskenimi, duke patur një maskë më pas si njeri i dërrmuar nga humbja e saj me pritje e percjellje njerëzish për nushëllim, edhe film të qe do ishte i papërballueshëm. Por ja që është realitet, në Kosovë. /tesheshi.com/
