“Mirënjohje dhe respekt i përjetshëm për dëshmorin dhe heroin e kombit, Enver Zymberin, i cili, katër vite më parë, ra heroikisht në krye të detyrës, në mbrojtje të integritetit territorial të Kosovës”, ka shkruar sot në ‘Facebook’ zv/kryeministri Hashim Thaçi.
Pjesëtari i Njësisë Speciale të Policisë së Kosovës (ROSU), Enver Zymberi, ka rënë në 25 korrik 2011 në operacionin drejt dy vendkalimeve kufitare me Serbinë, Jarinjë dhe Bërnjakë, në veri të Kosovës, për t’i marrë nën kontroll e për vënien e ligjshmërisë.
Në shenjë kujtimi dhe nderi, nesër në Mitrovicë organizohet aktiviteti me moton “Vrapojmë shtigjeve të Enver Zymerit”. Pak ditë më parë, tesheshi.com botoi një speciale në lidhje me vrasjen e oficerit të forcave speciale, ku u publikua grupi i plotë që mori pjesë në vrasje, rrethanat e plotë dhe vendi ku fshihet krimineli që ka mbrojtjen e institucioneve të Kosovës, që drejtohen nga pakica serbe në Zubin Potok.
/tesheshi.com/
