Një burrë me një profil që nuk sugjeronte terrorizëm, por me indikacione të forta se ishte ndikuar nga ISIS, është autori i sulmit vdekjeprurës në qendër të New Orleans të mërkurën herët që la 15 të vdekur dhe dhjetëra të plagosur.
Shamsud-bin Jabbar, i cili u vra në një shkëmbim zjarri me policinë menjëherë pas sulmit ndaj këmbësorëve në rrugën Bourbon, kishte shërbyer në ushtrinë amerikane për vite me rradhë.
Vetëm disa orë para aktit të tij të urryer, ai kishte ngarkuar materiale në rrjetet sociale në të cilat thoshte se donte të vriste dhe se ishte frymëzuar nga terroristët e ISIS. Pikërisht këtë e ka përmendur shprehimisht Joe Biden në fjalimin e tij të mëngjesit të së enjtes, në të cilin tha se autoritetet kompetente po e konsiderojnë seriozisht edhe këtë aspekt.
Në videon e parë që nga sulmi terrorist, makina e bardhë e drejtuar nga 42-vjeçari mund të shihet duke kaluar në një rrugë të Neë Orleans-it, kur papritur kthehet djathtas dhe del me shpejtësi, duke përhapur vdekjen.
Jabbar, i cili u vra në një shkëmbim zjarri me policinë, ishte një 42-vjeçar banor i Teksasit, ku mori me qira automjetin me të cilin kaloi mes turmave.
Në momentin e sulmit raportohet se ai mbante një flamur të ISIS-it, ndërsa raportohet se kishte veshur jelek antiplumb.
Jabbar kishte shërbyer rreth një vit në një njësi në Afganistan.
Ai qëndroi në ushtri si rezervist i specializuar në teknologji deri në korrik 2020 dhe mbante gradën e rreshterit. /tesheshi.com/
