Pasi autoritetet norvegjeze mbajtën një konferencë për shtyp ku njoftuan se e njohin Palestinën si shtet, të njëjtën gjë vendosën edhe zyrtarët irlandezë. Ashtu si në rastin e Norvegjisë, njohja do të hyjë zyrtarisht në fuqi më 28 maj dhe ky vendim u konfirmua në emër të Irlandës nga Simon Harris, Micheal Martin dhe Eamon Ryan.
Irlanda bëhet kështu që miraton një vendim për njohjen e Palestinës në valën e parë, dhe një vendim të ngjashëm duhet të marrin në ditët në vijim Malta dhe Sllovenia, të cilat gjithashtu njoftuan më herët njohjen e Palestinës në një deklaratë të përbashkët.
“Kam qëndruar këtu disa javë më parë me kryeministrin e Spanjës. Ka ardhur ai moment. Sot, Irlanda njeh shtetin e Palestinës. Ne do të paraqesim hapat kombëtarë që janë të nevojshëm që vendimi të bëhet ligjërisht i detyrueshëm. Mezi pres që vendet e tjera të bashkohen me ne në javët e ardhshme. Ky është një moment historik për Irlandën, por edhe për Palestinën. Ne besojmë në liri dhe drejtësi. Ne besojmë se paqja e qëndrueshme mund të sigurohet vetëm përmes vullnetit të lirë të njerëzve të lirë”, tha Simon Harris në konferencën për shtyp.
Zyrtarët e qeverisë norvegjeze kanë mbajtur gjithashtu një konferencë për shtyp ku kanë shqyrtuar situatën në Lindjen e Mesme dhe kanë njoftuar ndër të tjera vendimin historik për njohjen e Palestinës si shtet.
Ky vendim u bë i ditur në një konferencë për shtyp nga ministri i Jashtëm Espen Barth Eide dhe kryeministri Jonas Gahr Store.
Siç theksoi kryeministri i Norvegjisë, njohja do të hyjë në fuqi më 28 maj.
“Nuk mund të ketë paqe pa krijimin e një shteti palestinez”, tha ai kryeministri gjatë një konference për shtyp, duke shtuar se palestinezët kanë të drejtë themelore për shtetin e tyre.
“Nuk mund të ketë zgjidhje me dy shtete pa një shtet palestinez. Me fjalë të tjera, për paqen në Lindjen e Mesme nevojitet një shtet palestinez”, tha kryeministri.
Dhe kryeministri spanjoll Pedro Sanchez shpalli në Parlamentin spanjoll datën e njohjes zyrtare të shtetësisë palestineze, që është 28 maji.
Kështu, Gaza po i sjellë një tërmet gjeopolitik botës, duke krijuar më së pari një çarje të madhe në Perëndim.
Izraeli po humb tashmë asetin e vyer të një mbështeteje unike nga Perëndimi, gjë që i shfaq si budallenj historikë e jo të zgjuar siç pretendohet. Nëse kanë një zgjuarsi, atë e kanë vetëm për mbrapshti. /tesheshi.com/
