Presidenti amerikan Joe Biden është pas Donald Trump për herë të parë, sipas një sondazhi të ri nga The Wall Street Journal mbi zgjedhjet presidenciale të vitit 2024.
Sipas gazetës amerikane, vlerësimi i miratimit të Biden aktualisht është në nivelin më të ulët që kur ai u zgjodh president pasi mbështetet nga 43 për qind e votuesve, ndërsa 47 për qind e të anketuarve mbështesin Trumpin.
Epërsia e republikanit dhe ish-presidentit amerikan rritet në gjashtë pikë përqindje kur shtohen kandidatët potencialë të pavarur, të cilët së bashku kanë rreth 17 për qind mbështetje.
Më i popullarizuari prej tyre është Robert Kennedy Jr. për të cilën do të votonin tetë për qind e të anketuarve.
Pakënaqësia me Bidenin është e kudondodhur në sondazhin e ri, raporton gazeta amerikane dhe thekson se vetëm 23 për qind e votuesve thonë se politikat e Bidenit i kanë ndihmuar personalisht, ndërsa 53 për qind thonë se politikat e presidentit i kanë dëmtuar.
Shqetësimet e demokratëve
Në të kundërt, rreth gjysma e votuesve thonë se politikat e Trump gjatë kohës së tij si president i kanë ndihmuar ata personalisht, ndërsa më shumë se 37 për qind thonë se i kanë lënduar.
Rezultatet e sondazhit përfaqësojnë një tronditje të re për Biden dhe demokratët e tij, disa prej të cilëve shprehin hapur shqetësimin se 81-vjeçari është në gjendje të fitojë zgjedhjet dhe të shërbejë si president për katër vjet të tjerë.
Në të njëjtën kohë, demokratët po paralajmërojnë gjithnjë e më shumë se kthimi i Trump është i mundur dhe sipas tyre, mandati i tij i dytë presidencial do të përbënte rrezik për demokracinë amerikane. /tesheshi.com/
