Sapo ka përfunduar ndeshja e sotme Kukësi-Apolonia (2-1), në në hollin e stadiumit “Zeqir Ymeri” janë dëgjuar zëra të lartë. Trajneri Radanoviç nuk pati kohë të gëzonte debutimin e tij në stolin e Kukësit, pas fitores me Apolonisë.
Në hollin e stadiumit e priste mesfushori i krahut të majtë, 27-vjeçari Ylli Hoxha, i cili me tone të larta zemërimi i kërkonte llogari trajnerit Radanoviç për zëvendësimin e tij. Edhe pse trajneri përpiqej ta qetësonte, Ylli Hoxha nuk bindej dhe dhe me tone të lartë thërriste në korridor: “Nëse nuk më doni, ma thoni, unë marr çantën dhe iki!”.
Pas këtij qëndrimi amatoresk dhe aspak profesionist për një futbollist si Ylli Hoxha, trajneri Miograd Radanoviç, u dëgjua të thoshte: “Unë të pres të hënën në stërvitje, nëse nuk paraqitesh është puna jote dhe pastaj ke probleme me klubin!”
Në minutën e 60-të të ndeshjes Kukësi-Apolonia (2-1), mesfushori i krahut të majtë të kuksianëve Hoxha zëvendësohet dhe i lë vendin brazilianit Pit, shkruan ‘Sportal’.
Kamerat e “Supersportit” e fokusuan mesfushorin Ylli Hoxha të linte fushën e lojës dhe t’i drejtohej dhomave të zhveshjes dhe jo të shkonte te stoli i rezervave. Në fytyrën e tij vërehej qartë zymtësia dhe mërzia. Shkak nuk ishte rezultati i ndeshjes (0-0) në ato momente, por pakënaqësia për zëvendësimi i tij.
“Sherrin” Ylli Hoxha e kishte filluar që në mjediset e zhveshjes edhe me funksionare të tjerë të klubit. Kur mbaroi ndeshja, edhe pse ishte fituar pas dy zëvendësimeve që rezultuan të suksesshme, mesfushorit 27-vjeçar Ylli Hoxha ende nuk i kishte dalë inati. Ai priti trajnerin Radanoviç për t’i kërkuar llogari për zëvendësimin e tij.
Për një dukuri pak a shumë të pritshme kishte raportuar “tesheshi.com”, duke dhënë kështu deklaratën e tifozëve verilindor lidhur me trajnerin serb të cilin nuk e donin në skuadër.
Shih shkrimin: http://localhost/tesheshi/serbet-behen-ceshtje-te-kukesi-tifozet-nuk-i-duan-ne-skuader/
/tesheshi.com/
