Çmimi i biletave për në Muzeun e Luvrit në Paris është rritur nga 17 euro në 22 euro, pasi kryeqyteti francez përgatitet të presë Lojërat Olimpike këtë verë.
Ky është ndryshimi i parë i çmimit në shtatë vjet në muzeun më të njohur në botë, i cili u vizitua nga afro 9 milionë njerëz vitin e kaluar.
Luvri shpjegon se rritja ishte e nevojshme për të mbuluar kostot në rritje të energjisë, pasi kostot u rritën me 88% midis 2021 dhe 2022. Përveç kësaj, muzeu planifikon të zgjasë orët e punës.
40% e vizitorëve të Luvrit kualifikohen për bileta falas, shton muzeu. Mes tyre ka persona nën moshën 25 vjeç, të papaguar dhe të papunë, invalidë, mësues dhe gazetarë.
Para Lojërave do të rriten edhe çmimet e biletave të metrosë. /tesheshi.com/
