Kukësi ka arritur një kualifikim ëndrrash përballë malazesëve të Mlladostit. Jo vetëm për faktin se kundërshtarët ishin gjysmëserbë por edhe për sakrificën dhe mundin për ta përmbysur rezultatin (1:0) nga ndeshja e parë e zhvilluar në ‘Qemal Stafa’.
Ky takim përpos tjerash pati shumë të veçanta. Ajo që ishte me rëndësi ishte realizimi i golit të parë nga braziliani Moreira në minutën e 13-të, pikërisht në ato momente kur tifozët vendas brohorisnin “Ubij Ubij shqiptare” që në përkthim do të thotë “Vriteni shqiptarin”.
Përkundër gëzimit të madh që patën verilindorët në gjithë këtë histori ata duhet t`i falen një goli të realizuar nga një barazilian. Madje ata do të duhen të bëjnë këtë edhe tre herë të tjera me ç’rast realizatorët janë lojtarët e huaj si Pejiç në minutat 19 dhe 71 dhe braziliani tjetër Flores në të 31-tën.
Në qoftëse jo për Kukësin, shqiptarët nuk e lënë pa realizuar gol në këtë përballje. Emri i Altin Hoxhoviç është regjistruar në emëroren e golashënuesve pasi ka realizuar në minutën e 86-të, për skuadrën malazeze Mlladost-it.
Gjithsesi se fundi do ishte i lumtur për tifozët kuksianë që festuan me flamurin Kombëtar në Podgoricë, anipse ai mungoi në shtizën e flamujve pranë atij të skuadrës vendase dhe asaj të UEFA-S dhe FIFA-s. /tesheshi.com/
