Një në gjashtë specie rrezikon të zhduket. Këto janë përfundimet e frikshme të një studimi të publikuar në revistën prestigjioze Science. Rreziku i zhdukjes së specieve vjen si pasojë e industrializimit dhe largimit nga mënyrat ekologjike të të prodhuarit, të cilat, sipas shkencëtarëve, mund të çojnë në rritjen me 4.3°C të temperaturave të përgjithshme brenda vitit 2100.
Studimi, i cili është elaboruar duke nisur në nivelin pre industrial të viteve ‘800m ka vendosur një lidhje mes rritjes së temperaturave globale dhe ndikimit të tyre tek speciet. Mendohet se në të ardhmen, në bazë të kësaj rritje të temperaturave, ato zona që do të preken më shumë do të jenë Amerika e Jugut, Australia dhe Zelanda e Re.
Studiuesit kanë evidentuar se kafshët dhe bimët do të mund të adaptohen me një ndryshim klimatik prej 1°C çdo një milion vjet.
Sipas të dhënave, rezervat hidrike në planet po konsumohen në mënyrë shumë të shpejtë, duke nxjerrë në pah nevojën e menjëhershme për menaxhimin e tyre sa më shpejtë të jetë e mundur.
Me fjalë të tjera, një në gjashtë specie rrezikojnë të zhduken përfundimisht në të ardhmen, nëse njerëzit vijojnë të prodhojnë me të njëjtin intensitet. /tesheshi.com/
