Huliganët sulmojnë shqiptarët në mes të Shkupit. Siç raportojnë mediat në Maqedoni, tifozët e ekipit të Vardarit kanë sulmuar në orët e vona të natës disa shqiptarë që kanë gjetur në sheshin kryesor të Shkupit duke u thënë “larg shqiptarët, sheshi është i yni”.
Siç bën të ditur Alsat M, të sulmuarit janë kryesisht nga fshati Batincë i Shkupit, por edhe nga zona të tjera. Përveç djemve janë lënduar edhe vajza. Nga gjithsej 12 të lënduar, 10 prej tyre janë femra, të cilat kanë qenë duke ecur në shehsin “Maqedonia” të Shkupit.
Tifozët e Vardarit të ashtuquajturit “Komitët” kanë ndërmarrë një sulm kafshëror ndaj kujdo që fliste gjuhën shqipe por askush nuk ka ndërhyrë.
Kurse Policia e Maqedonisë thotë në një njoftim se “po punohet për zbardhjen”…/tesheshi.com/
