Suedia i dorëzohet një gruaje

Parlamenti i Suedisë ka konfirmuar kryeministër liderin socialdemokrat dhe ish-ministrin e financave, duke i dhënë fund javëve të pasigurisë.

Parlamenti suedez konfirmoi të mërkurën udhëheqësen socialdemokrate Magdalena Andersson si gruan e parë që mban postin e kryeministres, duke i dhënë fund javëve të pasigurisë.

Ish-ministrja e financave do të përballet menjëherë me krizën, pasi propozimi i qeverisë për buxhetin nuk ka gjasa të miratohet më vonë të mërkurën, transmeton Reuters.

Andersson tha se ajo është gati të drejtojë vendin edhe nëse Parlamenti kundërshton buxhetin e qeverisë së pakicës më vonë të mërkurën në favor të projektligjit të buxhetit të opozitës.

“Unë jam i mendimit se buxheti i opozitës është diçka me të cilën mund të jetoj”, tha ajo në një konferencë për shtyp, raporton Reuters.

Gruaja e parë në krye të qeverisë suedeze

Socialdemokratët në koalicionin me të Gjelbërit nuk kanë shumicën në Parlament, por e majta dhe qendra, të cilat janë jashtë koalicionit qeverisës, përgjithësisht mbështesin propozimet e qeverisë.

Më parë në nëntor, kryeministri për një kohë të gjatë Stefan Lofven dha dorëheqjen si kryeministër dhe udhëheqës i Partisë Social Demokrate.

Ai u pasua nga Magdalena Andersson, e cila u bë gruaja e parë në krye të qeverisë suedeze në historinë e atij vendi. /tesheshi.com/