Studimi/ Pemët në qytet ju ruajnë me shumë nga sa mund ta mendoni

Dëshironi të jetoni shëndetëshëm, atëherë duhet ta zgjidhni shtëpinë në lagje të gjelbëruar, mes pemëve. Këtë normalisht që e dimë të gjithë pasi pemët pastrojnë ajrin mirëpo nuk është vetëm kaq e thjeshtë.

Ekipet e kërkuesve në Kanada kanë paraqitur një studim kur argumentojnë me disa fakte përse lagjet urbane me shumë pemë, janë më të mira për shëndetin fizik të njerëzve. Kërkimi ka mbuluar një numër të gjerë aspektesh.

Shkencëtarët ishin në gjendje të realizonin një studim serioz, pasi shfrytëzuan të dhënat voluminoze të qytetit të Torontos, bashkia e të cilit ka mbajtur regjistrime të 530 mijë pemëve, të kategorizuara nga vendi ku janë mbjellë, lloji, dhe diametri.

Ata patën në dispozicion edhe të dhëna për më shumë se 30 mijë banorë të Torontos, kushtet e tyre shëndetësore dhe të dhënat mjekësore për sëmundje si kanceri, diabeti apo problemet e shëndetit mendor.

“Duke kontrolluar të dhëna si të ardhurat, mosha dhe arsimimi, ne gjetëm ndërkaq, një varësi domethënëse të efektit të pemëve në rrugët e qytetit në lidhje me shëndetin”, tha Marc Berman, bashkëautor i studimit. “Duket se efektin më të fortë e japin pemët publike. Nuk themi se pemët e tjera, në kopshte e hapësira private nuk japin efekt, por ne gjetëm lidhje më të fortë për pemët e rrugës”, tha ai. /tesheshi/