Ky ishte mesazhi i një tifozi argjentinas gjatë Botërorit të vitit 2006 në Gjermani drejtuar Jose Pekerman, atë kohë trajner i “gauqosëve”, ndërsa tani i Kolumbisë. Pas më shumë se një dekade ai është përballur me lojtarin të cilin e kishte lënë në bankë të rezervistëve, ndërsa disa vite më vonë ai “mbretëroi” si futbollisti më i mirë në botë për disa vite rradhazi.
Nga Drilon Sylejmani
Jose Pekerman është trajneri i cili e ka udhëhequr me plotë sukses kombëtaren e Kolumbisë për disa vite më rradhë, por ai kurrë nuk do ta harrojë gabimin që kishte bërë në Botërorin e vitit 2006 në Gjermani kur kishte vendosur të mos e fusë Messin në disfatën e Argjentinës ndaj Gjermanisë.
Derisa sa Jose Pekerman po fliste në konferencë për shtyp para sfidës që Kolumbia do zhvillonte përballë Greqisë në “Bello Horizonte”, një gazetar i kujtoi atë që kishte ndodhur një dekadë më parë duke e përshkruar Lionel Messin si një “bekim për futbollin argjentinas”. “Faleminderit që po më kujtoni”, ishte replika e thjeshtë e trajnerit, duke shtuar më pas: “Sepse disa nga ju kujtoni vetëm atë moment, kur kisha lënë Messin në bankë përballë Argjentinës!”.
Ai kishte të drejtë. Sepse çfardo që të ndodhë në karrierën e tij, tifozët e futbollit në Argjentinë gjithmonë do të kujtojnë ditën kur Pekerman kishte vendosur të lërë gjeniun e vogël në bankën e rezervistëve. Mund të jenë teori konspiracioni, mirëpo shumë prej njohësve të futbollit do të besonin se me futjen e Messit në lojë, Argjentina do të ishte pjesë e gjysmëfinales dhe me shumë mundësi edhe finalist.
Në Botërorin e vitit 2006, Argjentina ishte favorite. Ajo kaloi me lehtësi fazën e grupeve, pasi kishte mposhtur Bregun e Fildishtë (2-1), kishte demoluar Serbinë dhe Malin e Zi (6-0) dhe ishte ndarë në “paqe” me Holandën (0-0). Fazën e parë të eleminimit e kaloi me mjaft vështirësi përballë Meksikës, me një gol të Maksi Rodrigezit në vazhdim.
Rradha ishte për çerekfinale. Fazë kjo në të cilën Argjentina do të përballej me Gjermaninë e cila konsiderohej favorite, jo vetëm për faktin se ishte nikoqire e atij Botërorit, por me mënyrën se si Pekerman kishte vendosur të nisë ndeshjen me Lionel Messin në bankën e rezervave.
Shumë shpejt Pekerman u detyrua të zëvendësojë Rikelmen e lënduar. Kërkesa e tifozëve ishte që të futej Lionel Messi në lojë. Mirëpo, kërkesa e tyre hasi në vesh të shurdhër. Pekerman vendosi të mos e fusë fare gjeniun e vogël. Kështu, Argjentina pa Rikelmen dhe Messin në lojë dukej e humbur, megjithëse ndeshjen e humbi pas ekzekutimit të penaltive (4-2).
Messi në atë kohë ishte vetëm 19 vjeç dhe ishte kthyer nga lëndimi që e kishte pësuar në fund të sezonit me skuadrën e Barcelonës. Mirëpo hyrja e tij në ndeshje me Serbinë dhe Malin e Zi ndryshoj gjithçka, madje “pleshti” kishte realizuar një supergol pas një superdepërtimi. Ky gol ishte fillimi i një diçkaje shumë speciale që po vinte.
“Unë tani nuk mund të besoj që e kam stërvitur i pari Messin”, u shpreh Pekerman vitin e shkuar gjatë Botërorit në Brazil. “Unë nuk kisha dyshime lidhur me aftësitë e Messit. Ne ishim duke e shikuar atë si një yll që në të ardhmen do të shndërriste dhe do bëhej më i miri i botës”, vazhdoi tekniku.
Dhe, përpara përballjes së Kolumbisë kundër Argjentinës në çerekfinale të Kupës së Amerikës të premten, ai shtoi: “Në qoftë se unë mund të flas me të përpara të fillimit të lojës, unë do ti them që e kam admiruar gjithmonë atë, dhe se gjithmonë e kam ëndërruar se ai do bëhej një ditë më i miri në botë. Por, unë do ti them gjithashtu që ne do ta fitojmë këtë lojë”.
Për fat të keq të Pekerman, ai nuk do të ketë mundësinë të lerë më Messin në bankën e rezervave, pasi ai ndodhet në gjysëmfinalen e Kupës së Amerikës, ndërsa Pekerman ndodhet në shtëpi. /tesheshi.com/
