Nga Luljeta Progni
Ndëshkimi i LSI-së dhe beteja e saj me PD-në në zgjedhjet e 21 qershorit. Humbja e “Rilindjes” në qytetin e Rilindasve.
Standartet e zgjedhjeve?! Asgjë e re nga perëndimi…
Partia Socialiste u befasua nga pjesëmarrja dhe rezultati, pasi mesa duket priste një reagim nga elektorati i saj. Reformat e kryera në këto dy vite qeverisjeje kanë shkaktuar pakënaqësi që në fakt nuk u reflektua në rezultatet e zgjedhjeve. PD-ja u befasua nga rezultati në disa bashki, kryesisht në jug të vendit. Kjo për shkak se parashikimet ishin më dramatike për rezultatet e saj. Riorganizimi i kësaj partie nuk duket se ka dhënë ende efeketet potzitive sa për të ndikuar në rzultatine zgejhdjeve.
LSI u befasua me humbjen në disa bashki për të cilat me sa duket nuk ishte e përgatitur. Pritshmëritë e LSI-së gjatë fushatës u duk se ishin shumë më të mëdha. Ndërkombëtarët u befasuan gjithashtu me ditën e qetë të procesit të votimit si dhe me atë të numërimit. Pati përparim në këtë aspekt, pasi dy në dy ditë nuk pati incidente me të cilat ishim mësuar në zgjedhjet e mëparshme.
Por befasia e ndërkombëtarëve ndalon këtu sepse standartet e zgjedhjeve mbetën atje ku ishin, ende larg zgjedhjve të lira dhe demokratike. Kjo u reflektua në raportin paraprak të publikuar mesditën e djeshme.
Vora dhe ndëshkimi i LSI-së
LSI e humbi betejën e saj në Vorë, qyteza ku dukej se i gjithë shteti kishte zbarkuar për të bindur qytetarët e tij të votojnë LSI-në. Ishte një ndër bashkitë ku LSI përqëndroi të gjithë betejën politike të saj në zgjedhjet e 21 qershorit. Aq e dukshme sa incidentet e krijuara gjatë fushatës nxitën thuajse të gjithë ambasadorët e vendeve të BE-së dhe atë të SHBA-së që të monitorojnë nga afër zgjedhjet aty. Nuk pati incidente, por megjithatë LSI e humbi këtë betëjë. Në Vorë u rikonfirmua përfaqsuesi i PD-së Fiqiri Ismaili.
Lëvizja Socialiste për Integrim kishte të tjera pritshmëri për rezultatin e zgjedhjeve të 21 qeshorit edhe në bashki të tjera. Ka humbur gati gjysmën e bashkive që synoi dhe për të cilat kishte demonstruar siguri në fitore gjatë gjithë fushatës elektorale. LSI e ka humbur edhe Kukësin, Lezhën, Selenicën, Pogradecin e Klosin.
Duket si një ndëshkim me votë ndaj kësaj partie, me gjithë përpjekjet agresive të strukturave të saj për të gllabëruar çdo votë në çdo bashki ku kandidoi.
“Rilindja” humbi qytetin e Rilindasve (simbolikisht kjo emërtesë për shkak të 24 majit, kongresit të Përmetit)
Humbja e Partisë Socialiste në Përmet është padyshim një lajm i këtyre zgjedhjeve. Gilberto Jaçe ka pranuar humbjen dhe ka uruar në rivalin e tij Niko Shupuli, i cili u shpall fitues me 58.8%. Përmeti njihet si një ndër bastionet e Partisë Socialiste. Humbja e përfaqsuesit të saj në këtë bashki është padyshim një ndëshkim me votë qytetare ndaj arrogancës së pushtetit. Ndoshta është një ndëshkim edhe për të parin e Rilindjes, Edi Rama, i cili me arrogancë i imponoi qytetit të Përmetit kandidatin që nuk e donte më.
Pogradeci është një tjetër zonë që e ndëshkon të majtën. Ishte një bashki e drejtuar nga Partia Socialiste, një qytet i njohur për prirjet thellësisht të majta. Mënyra se si Pogradecit iu imponua një kandidaturë nga Lëvizja Socialiste për Integrim si pasojë e marrëveshjes me PS-në, ndoshta ka një peshë të rëndësishme në këtë votë proteste e cila nuk duket të jetë votë për PD-në më shumë se sa një votë revolte kundër lidershipit të mazhorancës.
Vlora dhe bojkoti ndaj PS-së
Partia Socialiste mori ato bashki që pritej. Fitoi bashkitë kryesore të vendit, fitore që e ka shijuar edhe kur ishte në opozitë në pushtetin qendror. Tirana Durrësi, Korça, Elbasani Fieri e Vlora, por edhe bashki të nivelit të dytë, rikonfirmojnë mbështetjen e elektoratit për PS-në. Ajo që kërkon më shumë vëmendje është Vlora dhe një gjysëm bojkot i i qytetarëve të këtij qyteti ndaj Edi Ramës, deputeti kryesues i listës së Vlorës në 23 qershor 2013.
Ikën PBDNJ, vjen PDIU
Partia e minoritetit grek PBDNJ nuk ka fituar asnjë bashki. Kjo ndodh për herë të parë. Në vend të saj në pushtetin vendor vjen suksesshëm PDIU e çamëve e drejtuar nga Shpëtim Idrizi. Kjo përmbysje është padyshim një ndër befasitë e kësaj fushate edhe pse situata ishte përgatitur që në fushatë, kur PBDNJ mbeti jashtë koalcionit me PS-LSI pasi ia zuri vendin PDIU e Idrizit. PDIU ka fituar tri bashki: Peqinin, Rrogozhinën dhe Konispolin, ndërsa PBDNJ asnjë.
Raporti ndërkombëtar
Shitblerja e votës është një ndër kritikat kryesore të pasqyruara në raportin e OSBE/ODIHR-it, një ditë pas procesit të zgjedhjeve të 21 qershorit. Shtetet e Bashkuara gjithashtu e evidentuan këtë kritikë në reagimin e tyre për zgjedhjet. Kritikat e OSBE/ODIHR dhe SHBA-së janë të njëjta sa i përket standarteve të munguara në këto zgjehdje. Shumica e kritikave është thuasje e njëjtë me proceset e shkuara zgjedhore . Ato janë përqëndruar tek problemet me listat, përdorimi i administratës publike në fushatë, presioni ndaj qytetarëve, shitblerja e votës, kandidatët e inkriminuar, KQZ jo funsksionale dhe e politizuar dhe të tjera probleme që e lanë këtë proces larg standarteve evropiane. /tesheshi.com/
