Skllavëria trazon dhe Lisbonën

Kryebashkiaku i Lisbonës, Carlos Moedas është akuzuar se ka “bojkotuar” memorialin e parë të Portugalisë për viktimat e skllavërisë, një projekt i vonuar prej kohësh në një vend që lufton për t’u përballur me rolin e tij në tregtinë transatlantike të skllevërve.

Monumenti, i propozuar më shumë se pesë vjet më parë nga Shoqata Portugeze e Pasardhësve Afrikë, i përbërë nga rreshta kallami sheqeri me ngjyrë të zezë, do të ngrihej në Campo das Cebolas, sheshin qendror të qytetit pranë lumit Tagus.

Nga shekulli i 15-të deri në shekullin e 19-të, rreth gjashtë milionë afrikanë u rrëmbyen dhe u transportuan me forcë nga anijet portugeze dhe u shitën në skllavëri, kryesisht në Brazil, transmeton Reuters.

Megjithatë, ajo mësohet rrallë në shkolla dhe e kaluara koloniale portugeze e vendit përgjithësisht shihet me krenari.

Ndërtimi i monumentit, i financuar nga qyteti, është miratuar në buxhetin 2017-18, por që nga ajo kohë ka qenë në ngecje.

Moedas (në qendër të djathtë) u zgjodh kryetar bashkie në vitin 2021, por ndërtimi i monumentit rifilloi vetëm në shtator të vitit të kaluar.

Zyra e tij argumentoi se monumenti kishte nevojë për miratim nga Drejtoria e Përgjithshme e Trashëgimisë Kulturore dhe kompania e parkimit të qytetit.

Për vendndodhjen e re, propozohet një rrugë e ngushtë që të çon në skelë dhe parking në terminalin e anijeve turistike.

Shoqata Portugeze e Pasardhësve Afrikë vlerësoi se kryetari e trajton monumentin “me pakujdesi dhe pa respekt” dhe e akuzoi atë për bojkotimin e projektit.

Moedas tha në mars se ai “mbështet plotësisht monumentin”, por se projekte të tilla kërkojnë kohë. /tesheshi.com/