![Një ushtar izraelit qëndron me kompleksin e Xhamisë Al-Aksa në sfond [Dosje: Maya Alleruzzo/AP Photo]](https://tesheshi.com/wp-content/uploads/2024/12/Kolonet-izraelite-shkelin-status-quo-ne-ne-kompleksin-e-xhamise-Al-Aksa-360x180.webp)
Ish-presidenti i FIFA-s, Sepp Blatter është marrë në pyetje ndërsa hetuesit kanë kontrolluar edhe zyrën e tij. Këto lëvizje vijnë ndërsa autoritetet zvicerane kanë ngritur edhe zyrtarisht akuza për korrupsion ndaj shefit të trupës më të madhe të futbollit botëror, në kuadër të skandalit të madh që ka përfshirë FIFA-n.
Zyra e Prokurorit të Përgjithshëm të Zvicrës thotë se Blatter akuzohet për nënshkrimin e një kontrate jo të favorshme për organizatën dhe për një “pagesë jo të ndershme” ndaj presidentit të UEFA-s, Mishel Platini.
Zvicerani 79-vjecar Blatter ka mohuar të gjitha akuzat e ngritura ndaj tij dhe avokati tha se ai po bashkëpunon plotësisht me drejtësinë.
Skandali i korrupsionit në FIFA duket se nuk ka fund me historitë që i ka paraqitur publikut. Përballë skandalit, Blatter arriti të rizgjidhej president i FIFA-s por më pas dha dorëheqjen.
Lajmi për vendosjen e tij nën hetim, erdhi kur FIFA papritur anuloi një konferencë shtypi në selinë e saj në Cyrih, në të cilën Blatter duhej të fliste për skandalet e fundit në organizatë.
Josep Blatter ka qenë në krye të FIFA-s, që nga viti 1998. /tesheshi.com/
