Pasi Hamasi sulmoi Izraelin jugor më 7 tetor, kryeministri izraelit Benjamin Netanyahu shpalli luftë dhe të paktën 4,385 palestinezë, përfshirë 1,661 fëmijë, janë vrarë deri më tani në sulme jo thjesht hakmarrëse në Rripin e Gazës, aty ku është kryeqendra e rezistencës palestineze.
Sulmet janë terror i gjallë shtetëror, një genocid tipik mbi civilë, pasqyrim i tiparit të njohur të shtetit izraelit: pa asnjë limit moral. Kjo ka bërë që dhe aleatët e tij, Perëndimi në përgjithësi, të prekë fundin e vet moral me tezën e paskrupullt të së “drejtës për t’u vetëmbrojtur.
Krimi më i tmerrshëm izraelit deri më tani është bombardimi i Spitalit Baptist të Gazas, me një moshë një shekull e gjysmë, me bilanin tragjik të rreth 500 viktimave sipas të dhënave zyrtare palestineze.
Dhe ky është rasti për të kujtuar atë çfarë ka thënë Netanyahu vite më parë, njeriu që tashmë po udhëheq sulmet e pamëhirshme ndaj Gaza-s.
Një video e një interviste të tij, i cili në atë kohë ishte ambasador i Izraelit në Kombet e Bashkuara, nga viti 1983 është bërë virale në rrjetet sociale, në të cilën ai flet se pse “shënjestrimi i spitaleve nuk është terrorizëm”.
#Netanyahu in 1983 talks about whether an accidental bombing of a hospital is terrorism
This video has resurfaced during the current war as hospitals are damaged, many ordered to evacuate.
An ACCIDENTAL Bombing of a Church is NOT Terrorism
NethanYahu is a trained war criminal pic.twitter.com/QgFZnJPtJZ
— Faraz Saeed 🇵🇰 (@farazsaeed15) October 21, 2023
“Për t’ju dhënë një shembull se çfarë nuk është terrorizmi. Në vitin 1944, Forcat Ajrore Britanike shkuan në një mision bombardimi. Qëllimi i bombardimit ishte selia e Gestapos në Kopenhagë, një objektiv i përsosur. Avionët hodhën bomba dhe në vend të selisë e Gestapos goditën një spital për fëmijë. Shumë fëmijë u vranë Ky është një rezultat fatkeq i luftës, mund të ndodhë, por nuk është terrorizëm”, tha Netanyahu në atë kohë.
Këtë tezë justifikuese promovoi analisti Dritan Hila pak ditë më parë.
Por pse ku krahasim nuk vlen?
Sepse synimi britanik qe selia e Gestapos dhe jo spitali për fëmijë. Po, ky është aksident e jo terrorizëm, pasi është dhe rast përjashtimor.
Ndërsa Izraeli nuk e ka përjashtim goditjen e civilëve, e ka rregull.
Izraeli i ka synuar dhe i synon haptazi ata, si një metodë terrori që synon në finale zhvendosjen e tyre, largimin nga aty ku më pas ta kthejë vendbanim kolonësh. Pos kësaj, shënjestron civilë, gra e fëmijë, të cilat i sheh si furnitore dhe kontigjente të rezistence në të ardhmen e afërt. Dhe këtë e ka kthyer në traditë, duke mos e patur aksident, siç është provuar e provohet çdo ditë.
Izraeli vazhdoi sulmet ajrore në Rripin e Gazës, me një nga sulmet më të rënda që u zhvillua mbrëmë. Objektivi ishte një kafene e njohur në Khan Younis.
Situata humanitare sa vjen e përkeqësohet. 20 kamionë ndihma hynë dje në Gaza, por është e rëndësishme të theksohet se edhe para kësaj lufte Gazës i nevojiteshin më shumë se 500 kamionë për të plotësuar nevojat e saj humanitare. /tesheshi.com/
