Mesfushori gjerman Shvajnshtjger është zyrtarizuar tek ekipi i Juanjtidit në Angli. Ylli i bavarezëve ka kërkuar vetë të largohet drejt një skuadre tjetër, ndërsa klubi nuk është bërë pengesë për të, duke respektuar dëshirën e këtij të fundit.
Karl-Hainc Rumenige bëri të ditur lajmin për largimin e Shvajnit: “Kemi biseduar me kolegët tanë të Mançester Junajtid dhe kemi arritur një marrëveshje për transferimin. Bastian dëshiron të bëjë diçka të re në fund të karrierës së tij. Ai na kërkoi që ta respektonim dëshirën e tij”.
“Më vjen keq që ai dëshiron të largohet, sepse është ndër lojtarët më të mirë që kemi. Ai ka bërë gjëra të mëdha me Bajernin dhe i uroj gjithë të mirat. Jam i bindur që ai do të luajë mirë në ‘Old Trafford’ dhe do të jetë mirë edhe për kombëtaren gjermane”.
Ndërkohë që dhe “Djajtë e kuq” kanë njoftuar zyrtarisht se marrëveshja do të zyrtarizohet sapo të kryhen kontrollet mjekësore.
Për Shvajnin, që ka luajtur 536 ndeshje me Bajernin, është gati një kontratë prej thuajse 12 milionë eurosh në sezon, pak a shumë sa fiton te Bajerni, ndërsa për klubin bavarez pagesa do të jetë thuajse simbolike, rreth 6 milionë euro. /tesheshi.com/
