Shuhet gjermani i famshëm i Hollywood-it

Volfgang Petersen, regjisori gjerman i njohur për bashkëpunimin e tij me aktorët kryesorë të Hollywood-it, ka vdekur në moshën 81-vjeçare.

Petersen u vlerësua shumë në Kaliforni, ku jetoi, si dhe në atdheun e tij, duke punuar me yje të tillë si Clint Eastwood, Dustin Hoffman, Harrison Ford, George Clooney, Brad Pitt, Rene Russo dhe Glen Close gjatë karrierës së tij prej dekadash.

Historia epike e filmit “Nëndetëse”, për ekuipazhin e një nëndetëseje gjermane nga Lufta e Dytë Botërore, me Juergen Prochnow dhe Herbert Groenemeyer, u nominua për gjashtë çmime Oscar dhe hapi rrugën e Peterson për në Hollywood.

Thrilleri politik “On the Line of Fire” me Clint Eastwood si agjent sekret ishte një hit i madh në 1993. Gjatë dekadës pasuese, sukseset vazhduan të pasonin me shpejtësi: “Jashtë kontrollit” me Dustin Hoffman, “Air Force One” me Harrison Ford, “Stuhia e të gjitha Stuhive” me George Clooney dhe “Troja” me Brad Pitt në rolin kryesor. /tesheshi.com/