Shqiptarët nga Lugina e Preshevës, kanë krijuar mjaft asocacione dhe grupime shoqërore për të mbledhur dhe institucionalizuar, si lidhjen me trungun, por edhe për të mos e lënë mbrojtjen e të drejtave në zëra të veçuar.
Një nga këto grupime është edhe shoqata “Vatra”, e cila grupon rreth vetes të gjithë qytetarët me origjinë nga Lugina e Preshevës dhe që jetojnë në Kosovë.
Kjo organizatë zhvilloi një takim në Fushë Kosovë, ku zgjodhi edhe degën e saj për “Prishtina 2”, siç quhet tashmë qyteza më e re pranë kryeqytetit të Kosovës.
Kryetar i degës së “Vatrës” u zgjodh gazetari dhe publiçisti i njohur, Fehmi Ramadani.
“Lëvizja Vatra në Fushë Kosovë do të jetë një zë i duhur, por edhe një kontratë politike për qytetarë me origjinë nga Lugina e Preshevës, por jo vetëm këta, sepse nevojat dhe kërkesat e njerëzve të ndryshëm që jetojnë në këtë vendbanim janë grumbulluar shumë dhe kanë nevojë për zgjidhjen e tyre”, tha Ramadani, në një komunik për tesheshi.com i pyetur për arsyet e krijimit të këtij grupimi. /tesheshi.com/
