Shtëpia më e madhe e futbollit, FIFA është përgjigjur negativisht kerkesës së Barcelonës, për të regjistruar futbollistin turk Arda Turan, pas lëndimit të mesfushorit Rafinha Alcantara. Kampionët europian po vuajnë pezullimin tani e dy merkato, duke mos patur të drejtë për të nënshkruar me futbollistë të rinjë, pas skandalit mbi lojtarët e rinj që ka ndodhur në akademinë e klubit blaugrana.
Por, lëndimi i mesfushorit Rafinha Alcantara i ka vështirësuar edhe më shumë punët në kampin azulgrana, prandaj zyrtarët e klubit kishin vendosur për të apeluar vendimin e FIFA-s, në lidhje me regjistrimin e mesfushorit turk Arda Turan nga Atletico Madrid. Ndalesa për mos transferimin e lojtarëve ka përfunduar në këtë merkato të verës ndaj regjistrimi i futbollistëve të rinj mund të bëhet vetëm në janar.
Por, një nen brenda organit të FIFA-s, thotë se lejon klubet për të regjistruar një lojtar në rast brenda organikës ndodhet një lojtar i lënduar për më shumë se gjashtë muaj. Barcelona u mundua ta shfrytëzoj këtë nen pas lëndimit të Alcantaras për të regjistruar Ardan, por përgjigjja nga zyrtarët e FIFA-s, ishte negative.
Me këtë rast ka reaguar klubi blaugrana përmes një komunikate duke deklaruar:
“FC Barcelona ka pranuar një shkresë nga FIFA në lidhje me kërkesën e dorëzuar për regjistrimin e lojtarit Arda Turan.
Me këtë rast kemi marrë përgjigjjen negative nga organet kompetente, të cilat janë shprehur se nuk mund të bien ndesh me rregulloret e FIFA-s, për të regjistruar lojtarin në fjalë, pasi klubi ishte i dënuar për nji vit të regjistronte lojtarë të rinj.
Barcelona kërkon ta rishikojë edhe njëherë vendimin, para se të ankohet në CAS (Gjykatën e arbitrazhit), pasi që një nen i tillë e lejon regjistrimin e futbollistit Ardan Turan, për më tepër pas lëndimit të Ranfinas”, thuhet në njoftimin e dërguar nga zyrtarët e Barcelonës.
/tesheshi.com/
