Një grup shkencëtarësh dhe ekspertësh mjekësorë nga Universiteti Shtetëror i Miçiganit ka zbuluar simptomën për të cilin besojnë që sigurisht tregon sulmin e pashmangshëm.
Nën drejtimin e profesor Dr. George S. Abele, ekspertët analizuan materialin që mbyll arterien koronare dhe shkakton infarktin, dhe gjetën se bëhet fjalë për kolesterolin në formën e kristaleve të mëdha.
Ekipi shkencor ka analizuar më shumë se 240 raste, dhe në 89 për qind të tyre ka zbuluar se gjendet kolesteroli i kristalizuar. Është fjala për një fenomen shumë problematik që shoqëron formimin e pllakave në zemër. Kristalet janë të përbëra nga yndyra, kalciumi dhe substancat e tjera.
“Studimet e mëparshme kanë treguar tashmë se kolesteroli rrit volumin kur nga gjendja e saj e lëngshme kalon në gjendje të ngurtë, duke formuar kristale. Zgjerimi i tillë mund të çojë në plasaritje të murit arterial dhe bllokimin e rrjedhjes së gjakut, dhe rezultati është një sulm në zemër apo goditje në tru”, shpjegon Abel.
Gjatë studimit, u analizua madhësia dhe ngurtësia e kristaleve të kolesterolit të pacientëve të cilët u pranuan në spital pas infarktit. Me këtë rast, u zbulua se kristalet e mëdha kishin depërtuar në arteriet dhe muret e tyre dhe kështu kishin depërtuan drejt në zemër.
Sipas ekipit shkencor, kristalet që depërtojnë murin e arterieve jo vetëm që shkaktojnë dëme fizike, por edhe nxisin sekretimin e të ashtuquajturit ndërmjetësues të inflamacionit kimik interleukin-1 beta, e cila mund të çojë në inflamacion dhe sëmundje arteriale. /tesheshi.com/
